L'uomo che sedeva sul ramo che stava tagliando

L’omo ch’el se sentava sula rama ch’el taiava

Iera una volta un omo su un albero ch’el taiava una rama. El stava sentado proprio su quela ch’el taiava. De soto passa un altro omo, el ghe domanda cossa ch’el fa. Lu el ghe rispondi ch’el taia una rama. Ma quel’altro el ghe disi: «Ti cascarà quando che ti gavarà finido.» Lu el ghe rispondi: «Ti, ti xe mato, cossa ti vol saver ti.» «Va ben», disi quel de soto e ’l va via.
Dopo un poco quel che iera sul’albero el finissi de taiar la rama e ’l casca zo con ela. Alora – cossa el fa? – el cori drio de quel’altro, lo ciama, el ghe disi: «Omo mio, ma voi sè Idio, che savevi che cascarò del’albero.» «Sì, sì» ghe rispondi quel’altro. «Alora me savarì anche dir quando che morirò?» El ghe domanda lu. «Sì – el ghe rispondi – quando che ti gavarà tossido tre volte.»
Povero, tuto disperado el va via, ch’el morirà presto, el se tratigniva sempre, no ‘l voleva tossir. Ma un giorno ghe xe scampado de tossir, un altro giorno ancora, po’ el disi: «Ah! Povero mi, ancora una volta e po’ basta.» El se tratigniva più ch’el podeva, el fazeva grandi sforzi, ma una giorno no ’l podeva più, ghe pareva de s’ciopar e ghe xe scampado el terzo colpo de tosse. Alora el se buta per tera, là in strada, dove ch’el iera, ch’el xe morto e basta. Lu el stava fermo, no ’l se moveva per gnente, quei che passava de là i diseva: «El sarà stanco, el dormi.»
Po’ xe passado un giorno, due, e lu el iera sempre là fermo. Alora la gente la scominzia a dir ch’el xe morto. I ghe fa una bela cassa, i lo meti drento, i ghe fa el funeral e po’ i va in zimitero con lu. Prima de rivar, i vien in un posto che iera due strade e no i saveva de quala andar. Là i se meti a contrastar, chi diseva de una parte, chi de quel’altra e no i se meteva mai dacordo. Lu de drento della cassa el sentiva tuto, el se stufa de spetar che i se meti dacordo, alora el ghe disi: «De qua, de qua passè. Quando che mi iero vivo passavo de questa strada.» Lori co’ i senti ch’el parla, i lo mola per tera e i scampa via pieni de paura, chi de qua, chi de là, ch’el morto el se ga messo parlar.
Quel’omo, che ghe gaveva dito ch’el morirà dopo tre colpi de tosse, el xe vignudo a saver de sta storia. Presto el cori là, el versi la cassa, lo tira fora, el ghe disi: «Bruto stupido, cossa ti fa ste robe, creder che ti xe morto? Vien fora de qua. Mi quel giorno te go dito cussì, ma no son miga Idio. Cossa ti vol che sapio mi quando che ti morirà.» Po’ el ghe dà una piada e lo manda a casa.

Don Giuseppe Radole raccolse le fiabe del suo libro a Barbana. Ma molte sono patrimonio comune di tutte le genti dell’Istria. Questa stessa fiaba era una delle tante che mio padre mi raccontava quando ero un bambino e che ha raccontato a tutti i suoi nipoti. Con alcune varianti, l’uomo aveva un nome, Checo, lo stupidotto di tante storie istriane e la versione di mio padre era un po’ più “boccaccesca”, forse “troppo” per un don, o per la zia paterna da cui dice di averle raccolte: sarebbe morto non al terzo colpo di tosse ma alla terza scoreggia. Inoltre la fiaba di mio padre era parzialmente mescolata con un’altra, forse per allungare il brodo, sempre attribuita allo stesso personaggio, ma di quest’ultima si dirà in un altro post.
Il libro da cui la fiaba è tratta è: Giuseppe Radole, Fiabe Istriane raccolte a Barbana, Edizioni Comunità Istriane, Trieste 1969. La copia del libro in mio possesso porta la firma di Don Radole, che riporto sotto.